Frohe Weihnachten und ein gesundes neues Jahr Euch allen!

S’Schneeflockerl

S is no gar ned so lang her, do bin i am meim Schreibdisch vorm Fensta g’hockt und hob ma übalegt, wos i so macha kannt.

Und wie ma einfach nix eifoin wuit, hob i nach draussn g’schaugt. Ois war woas und hod glitzad. Und koid wars bestimmt aa. Mei g’schneit hod’s, des ko ma si goarned vorschdein. De ganzen Schneeflockerl san doch grod mit so an Tempo owe g’rast, dass mas fei fa......st

nimma g’seng häd. Koans hod für des anda Zeit g’habt und wehe oans hod a andas b’rührt, mei dann war da Deife los. Fast wia bei uns Menschn, hob i ma do denkt.

Wei kurz vor Weihnachtn dean de aa imma ausflippn und ois is ganz hektisch. Dass ja aa ois schee is am heilign Omd. Und woas muas sei und glitzand. Desweng hom si de Schneeflockerl aa so beeilt. Aber wia i do so vorm Fensta g’hockt b...in und dene Flockerl zuag’schaugt hob, hob i wos woana g’heard. Ganz leis bloß. „ Mei, wos mach i bloß?

I bin doch z’vui langsam. In meim Tempo kimm i doch nia bis owe.“, hods g’jammat. Nachad bin i aufg’schdandn und hob aufm Fenstabreddl drausst a kloans Schneeflockerl g’seng. Ganz traurig wars und fertig hods ausg’schaugt.
I hob ma schnei mei Jackn ozong und s’Fensta aufmacht. Wia si des kloane Flockerl do umdraht hod is glei so daschreckt, dass’s fast g’schmuizn war. „Brauchst koa Angst hom, i dua da scho nix.“, hob i g’sogt. „Wos is’n los mit dir, dass’t a so woanst?“ Mit ganz große Aung hods mi og’schaut und Tränen obg’wischt: „Mei, des sigst doch. De andan san einfach olle vui schneia wia i. Und bis Weihnachtn bin i dann imma no ned herruntn. Dawei soit i doch amoi a scheena Schneeboi wern oda a Schneemo.“ Do hods wida zum trenzn og’fangt. Jetz hods ma so darbahrmt, des arme Flockerl, dass i g’sogt hob: „ Des is doch ois ned so schlimm. Du brauchst doch goarned traurig sei. Kimm her.“ Dann hob i’s g’numma und aufm Schreibdisch g’hockt. „Schaug di hoid amoi oo. Du bist doch so a liabs, weiß Flockerl, ‚s war doch schod um di, wennst in am Schneeboi landn daast.

Mogst ned bei mia aufm Fenstabanke bleim?“
Do hods g’lacht und si g’freid und zum glenzn und glitzan hods og’fangt wia koa andas Schneeflockerl jemois glitzad und glenzt hod.

 „Ui ja, des mach ma so!“ hods g’moant und is den ganzen Winta bei mir vorm Fensta g’hockt und hod mi og’lacht wenn i nausg’schaugt hob…